جـانـَه شـبـاط ْ هالجـانـَه

يـبـْچـي اوصفـَگْ بـيـبـانـَه

أّوَّلهـَه ســـودَه امـْصَخـّمـَه

وآخـرْهـَه صفـَت.. نتحـنـَّه بدْمـانـَه

ثـامـن يـومْ مـنـَّـكْ ياشـَهـَرْ يـَشـْبـاط ْ

بـَغـْدادْ اصـْبـَحـَتْ والبيهـه حـَزنـانـَه

غِـدْروه الشعب لا ذنب  عنده اوصوچ

نـِسـوانْ اوزلمْ واكثــَرْهـَه شـبـانـَه

عـَذبـوْ.. ذبـّـحـَوْ ..عـَلـّـگــَوْ بالعمدان

 اليـَمـهـمْ وصـَـلْ..هالراح .. ماجـانـَه..

 مـتـْعـَزيـَه البـيـوتْ اوهالبـقـَتْ لليـومْ

  أَطـفـال التـلوعْ .. أيـتـامْ جـوعـانـَه

*****

غـَمـَّه الغـَدرْ ما يـنـسـي

مـثـل الوَشـمْ بـچـْلانـَــه

لسـنـيـنْ راحـَن وانگـضـَنْ

بـَغـدادنـَه  الوَجـْعـانـَــه

بـاگــَوْ بـَلـَدْنـَه اوبـالعـَـلـنْ

ذيـلْ اجـْنـَبـي واعـْوانـَــه

نـصِّ القـَرنْ راحْ انـگـضـَه

نـبـْچـي نـونْ واشـجـانـَه

چـا يـَمـْتـَه تـنـْهـَض ياشـَعـَب

واتـفرّحْ  ابمـوتـانـَه

*****

جـانـَه شـبـاط ْ هالجـانـَه

امـْحـَمـَلْ هالشـايـلْ أسـرارْ

أسـرارْ هـَدَّتْ لجـْبـالْ

كـلهـَه قـَهـَرْ ما تـنـْگـالْ

عَ اللي جـِرَه او عَ اللي صارْ

ذبـْحـوْ ولدْنـَه الأبـْطـالْ

صارَتْ عـَوايـلْ طـشـّارْ

انـْهـتـْـكــَتْ اهوايه أسـْـتـارْ

دَمْ النـزَفْ صارْ انـْهـارْ

ضـَنـَّوْ اتـْمـوتْ الأفـْـكـارْ

فـكـرْ العـَدلْ مـثـلْ النـارْ

يـحـرگْ خـِيـانـَة الأشـرارْ

يـعـْدلْ مـَســـارْ المـشـوارْ

ايـعـَـلي رايـَاتْ الاحـــرارْ

فـَليـَحـيا فـِكــــرْ الأبـطـالْ

جـانـَه شـبـاط ْ هالجـانـَـه

 خـَلانـَه اورجـع ..والگـانـَه..

***********

8 / شـبـاط / 2014

ســــــــــــــتوكهولم

گـَطـْرَة مـِسـْتـَحـَه منْ گـِصـَّه لو طـاحـَتْ

تـِعـوفْ المـِسـْتـَحـَه تـِصْرَخْ اوهالصاحـَتْ

حاكـِمْ هـالـبـَلـَدْ والـبـَـلـَدْ مـَسْــــلـوبْ

بـفـْلـوسْ النـَفـط تـِتـْعـَبـَّه الجـْيــــوبْ

الـكـُلْ هـذا الشـَعـَبْ حاكـمـنـَه مـَطـْلـوبْ

عـَشـرْ اسـْنـيـنْ صرْخـَتْ لـلسـمـَه اوصاحـَتْ

گـَطـْرَة مـِسـْتـَحـَه منْ گـِصـَّه لو طـاحـَتْ

***********

راحْ العـيـَبْ ماكـوْ مـِسْـتـَحـَه الظـَلـَّتْ

مـِنْ ضـيـَمْ الظـلـُم ْالـنـاسْ هـالـمـَلــَّتْ

ذبـحْ اومـوتْ شـيـبْ اوشـابْ هالچـَلـَّتْ

سـَلابـَه اونـَهـبْ والـريـحـَه هالـفـاحـَــتْ

تـِعـوفْ المـِسـْتــَحـَه تـِصْرَخْ اوهالصاحـَتْ

************

بـَغـْدادْ الشَـرَفْ تـرْفـَع ْعـَلـَمْ أجـْدادْ

بـَغـْـــدادْ...القـيـادَه أبـَدْ ماتـنـْـقـادْ

أمـْريـكا المخـَطــَط تـهـْدمْ البـَغـْدادْ

دَمـَرْتـي الـبـَلـَدْ والنـاسْ هالماتـَتْ

گـَطـْرَة مـِسـْتـَحـَه منْ گـِصـَّه لو طـاحـَتْ

*************

شـَعـبْ العـراقْ المـَظـْلـومْ

دومـَــه يـعـــدْ بالهـْمـــومْ

إيغـَمـّسْ خـبـْزتـَه بـدْمـومْ

حـتـى اطـفـالـنـَه تـِعـْبـَتْ اوهـَمْ شـاخـَتْ

تـِعـوفْ المـِسـْتــَحـَه تـِصْرَخْ اوهالصاحـَتْ

************

المايـگــْدَرْ يـِعـْدلْ خـَـلْ يـبـْعـِـدْ خـَـلْ يـتـْـكــَتــَرْ

أيـطــَلـّگْ كــُرْسـيـنـَه اويـعـْرفْ قـَدْرَه اومـايـنـْغـَرْ

حـاكــمـْـنــَه .. دنـْيـانـَه اتـْضـَـلْ تـِفـْـتــَــرْ

الـغـيـَــــرَكْ أبـَــــــد دامـَــــتْ

گـَطـْرَة مـِسـْتـَحـَه منْ گـِصـَّه لو طـاحـَتْ

*************

نـِحـْچـي اوحـَچـيـنـَه مايـفـيـدْ

شـرْيـانْ گـطــّعـَوْ والـوَريــدْ

حـُكــّامْ العـراقْ الـجـديـــــــد ْ

گــَطـْرَة مـِسـْــــتـَحـَه هالســاحـَـتْ

تـِعـوفْ المـِسـْـتــَحـَه تـِصْرَخْ اوهالصاحـَتْ

*************

مايـسْـتـحـي امـْنـيـَنْ ايـخـافْ

نـگــْطــَه اوطاحـَـتْ يالـلغـافْ

الشـافْ يـعـْــرفْ ماشـــافْ

گــَطـْرَه بـچـَــتْ مـنْ طاحـَــتْ

گــَطـْرَة مـِسـْتـَحـَه منْ گـِصـَّه لو طـاحـَتْ

*************

صايـرْ وَكـتـْـنـَه قـَـشـْـمـَرَه

هـذا الـبـَلـَـدْ يـرْجـَـعْ وَرَه

هالحـكـُمْ حـكـمْ الطـَرطـَرَه

بـَغـــــــدادْ الـعـَزيــــزَه الضاعـَـــتْ

تـِعـوفْ المـِسـْـتــَحـَه تـِصْرَخْ اوهالصاحـَتْ

*************

نـگــْطـَة مـِسـْـتـَحـَه ما بـقـَتْ بالگـصَّه

كــُـلْ هـذا العـراقْ انـْبـاعْ خـو نـصـَّه

شــو كـُـلـْمـَنْ يـصيـدْ ايـصيـحْ ياشصَّه

مـيـّـاتْ الألـوفْ أيـتـامْ هـالجاعـَـتْ

گــَطـْرَة مـِسـْتـَحـَه منْ گـِصـَّه لو طـاحـَتْ

*************

كـلـْمـَنْ يـحـودْ الـنـارْ الگـرصْـتـَه

والـشـَعـَبْ راضي ابـْـقـسْـمـتــَـه

نـايـبْ ايـغـَنـي ابـْحـصّـتـَه

والـحـَرْمـَنـَــه هـالـشـاعـَـــتْ

تـِعـوفْ المـِسـْـتــَحـَه تـِصْرَخْ اوهالصاحـَتْ

فـيـسْ البـوكْ احـْـنـَه انـحـبـَـكْ – هالدخـْـلـَتْ كـلهـَه ابـَخـتـَـكْ

فـيـسْ البـوكْ اوتـِتـْسـَفـَط نـسوان

بـيـهـَه اشكـالْ اوبيهه الوانْ

شدوْ الراس او يـالگـِرْعـانْ

تـتـْغـالـَبْ كـلهـَه اتـودكْ – هالدخـْـلـَتْ كـلهـَه ابـَخـتـَـكْ

**********

مـيـَـلاتْ اهـْوايـه ايـسـَـــــونْ

اتــْـفـِـنْ افـنــونْ اوبيهه افـنــونْ

عـَبـوسـي صايــرْ فـردوسْ – اوسـعـْديـَه انگـلبـَت حـَنـونْ

شـبـچت فـيـسْ البـوكْ..اشـْبـيـكْ انـگـلــَّـكْ ؟- فـيـسْ البـوكْ احـْـنـَه انـحـبـَـكْ

*********

هالـْشـبـْچـَـتْ اوصارَتْ كـولبـَه

ام الـشـَــعــَرْ وامـْعـَصبـَــه

إمـفـَـرّعـَه وامـنــقـبـَه

شـُبـّانْ اوشـيـبْ ابـْضلـكْ – هالدخـْـلـَتْ كـلهـَه ابـَخـتـَـكْ

**********

إيـمـيـَلاتْ اهـوايـَه اهــواي

امـَنْ الشـامْ اوطـالعْ بـمـبـاي

امـْشـَكـَلْ رايـحْ .. يـرْدَحْ جــاي

تـتـْنـَفـَه..ضايـجْ خـُـلگــَـكْ - فـيـسْ البـوكْ احـْـنـَه انـحـبـَـكْ

*********

بـي شـارَه اوهـَمْ يـنـْطي امـْرادْ

مـن أمـْريـكــَه اورايـحْ  بـَغـدادْ

مـلـيـــونـاتْ امـْشـَـــكـلْ أعـْدادْ

هالعـَديـَنـَه اوتـَيـهـْنـَه ابـْعـَدكْ – هالدخـْـلـَتْ كـلهـَه ابـَخـتـَـكْ

**********

نـنـْظـمْ شـِعـرْ نـكـْـتـبْ نـَـثـرْ

بـيـه الحـكــَمْ بـيـه العـِـبـَرْ

مـــــنْ الصبـحْ حـتى العـَصـِرْ

كـُلـْهـَه اومـَسْـرورَه ابـْسـدَكْ - فـيـسْ البـوكْ احـْـنـَه انـحـبـَـكْ

*********

الصايـرْ بـالفـيـَسْ ابـَسْـكـوتْ

نـوبـاتْ..جـَمـْراتْ الوَجـَّتْ واتـفـوتْ

نـوباتْ..تـِتـْـفـَلـَشْ وابـْجـالـَكْ البـيـوتْ

طرگـاعـَـه انـْتَ اشـْـلونْ انـصدَكْ - فـيـسْ البـوكْ احـْـنـَه ابـَخـْـتـَـكْ

*********

فـيـسْ البـوكْ اوتـاليـهـَه اشـْـلـونْ

سـِــرَّكْ نـِحـْـفـظ بـيـه انــْصـونْ

كـِلْ سـاعـَه اويـومـيـَّه اتـْخـونْ

مـَعـْـلولـَه العـِلــَّه اوتـاليـهـَه اتـْعـِلــَّـكْ - فـيـسْ البـوكْ احـْـنـَه انـحـبـَـكْ

*********

ســاعـَه واكـَسـرْ الداتـَـه*

وانـْعـَـلْ ابـو الشـماتــَّــه

كـِلـْمـَنْ اتـردَّه ذاتــَــه

يا ذاتـَـكْ للغـُبـشـَه اتـْشـتـْـلـَكْ - فـيـسْ البـوكْ احـْـنـَه ابـَخـْـتـَـكْ

*********

مو كافـي امنْ الفـيـَسْ..ملينه اوكـلـهـَه أخْـبـارَه

ظـَل الحـَچـــي لـلجـــــارَه

والجـــارَه هـالـعـَيــــــــارَه

دارِسـْـتـَكْ زيـَنْ اتـْعـرْفـَـكْ- فـيـسْ البـوكْ احـْـنـَه انـحـبـَـكْ

*********

فـرْگـاسْ .. أحـّا.. مايــنـجـاسْ

ياغـيـرَه اوتـهـْـلسْ بـالـراسْ

عـمـو فـيـَسْ اورايـدْلـَه احـْسـاسْ

فـيـَسْ البـوكْ امـْوَجّـعْ گــَـلـْبـَـكْ - فـيـسْ البـوكْ احـْـنـَه ابـَخـْـتـَـكْ

*********

فـَـزيـَـتْ وابــدارْ الغـــربْ - والغـرْبـَـه كـِـلــّـشْ صـَعـْبـَـه

چـَنْ گــَلبـي چـانـونْ اويـِـوجْ - مـِن غـيـرْ جـَمـْرَه اولـَهـْـبـَـه

اليـِغـْـلـَط ْ اويـِمْـشـي ابـْدَربْ - اشـْـعـيـراتــَه تـاكـِـلْ شــِـلـْبـَه

مـَهـْضـومْ دومـَه اوهاليـِضـلْ - يـِـبـْچـي النـحـيـبْ ابـْگــَـلبـَه

*******

مـَجـْروحْ وابـْجـَرْحـَه جـَرحْ - يـِنـْزفْ اويــِنـْطـِـرْ نـَحـْبـَــه

حـايــِــرْ ابـأمــــرَه اومـادرَه - غـَـرنـوگْ ضـَيـعْ سـِــرْبـَـــه

مـَلهـوفْ عيـَنـَه اعـْـلـَه الدَربْ - رايــــدْ فــَـرَجْ مـِـن رَبـَّــــــه

نـِـتـْوالـَـفْ اونـحـْچـي اونـِـردْ - اوكـِـلـْمـَـنْ يــِـروحْ ابـْــدَرْبـَـه

*********

وانـعـيـشْ غـربـَـتـْـنـَـه غـَصبْ - مـِـثـــلْ الزَرعْ وابـْجـَـد ْبـَـــه

فـَـرْحـانْ وايـغـَـنـي الزَمـَــن - غـِـنــْوَة اسـْـــنـيـنْ الغـربـَــــه

يـتـْـقـَـشـْمـَرْ اعـليـَـنـه اويـعـِـدْ - نـِســيـانْ خـَـضْ ابـجـِـرْبـَـــه

الـدَهـَــرْ هاليــِلـْعـَـبْ لـِعـِــبْ - مابــيـنـَـه نـِحـْمـِـلْ لـِعـْبـَــــه

**********

والـليـَـــلْ اظــْـلــَـمْ مــادِرَه - زعـْـلــَنْ اوطاحـَنْ شـهـْبـَـه

لـو ظــَـلــّمـَتْ .. تـِـفـْرجْ بـَعـَدْ - گالوهـَه.. مـَحـْـلـَه الچـِـذ ْبـَــه

ياوَسـْــفـَه نـِـتــْغـاضـَه چـذبْ - والچـِـذبْ حـَرْبـَـه ابـْحـرْبـَـه

يادَهـَـرْ يالكـِلــَّـكْ دَغـَـــشْ - مـَلعـوبـَــــه بــيـكْ الـلعْـبـَــــه

*********

تـِشـْمـرْ احـْبـالـَكْ عَ الخـَلگْ - اعـْليـهـَه الخـَلـَگْ تـِتـْشـَـلبـَه

والـوفـَه نـاسـيـه الصَلـِـفْ - صاحِبْ صحـْيـبْ الصحـبـَه

والـناكـِـرْ الصحـبـَه تـَـرَه - خـايـنْ .. و ايـخـونْ ابـحـُـبـَّـه

يـاحـيـَفْ نـِكــْرانْ الـوفـَـه - صَعـْبـَه اوتـِعاتـِبْ صَعـْبـَه

*********

الوَكـِتْ چـيـس اعـْـلـَه المـتـنْ - مـَتـْروسْ جـيـَبـَه اوعـِـبــَّه

الله دنـْيـَـه اشـْـگــَدْ قـَهـَـرْ- مـَتـْعـوبْ عـاشـِگْ تـَعـْبـَه

       مـَهـْمـومْ يـِـمـْشــي ابـْلا فـِكـِرْ- دايـِخ امـْضـَيـِّعْ دَرْبـَــــه

فـَزيـَـتْ وابــدارْ الغـــربْ - والغـرْبـَـه كـِـلـّـشْ صـَعـْبـَه

بـعـْيـونـَـكْ الحـلـوَه ابـحـَرتْ – والمـوجْ عـالي ياتــَرفْ

چـَنْ الهـوَه جـانـي صـَفـحْ – أسـْبـَحْ امـْضـَيـعْ كـلْ عـِرفْ

ويـنْ الهـوه امـْوَدْيـنـي

ارموشْ الحـلو اتـْرامـيـني

ادخـيـلْ بـَخـْـتـَـكْ ياهـوه – بـهـداي خـذنـي للجـرفْ

بـعـْيـونـَـكْ الحـلـوَه ابـحـَرتْ

************

هـذا الحـِلو حـَبـْيـَتـَه – مـنْ الزغـرْ واهـويـَتـَه

رايـدْ أنـَه اسد البـابْ – ضـَنـيـَت آنـَه انـسـيـَتـَه

مـَگــْدَرْ أعـوفـَه مـَگــْدَرْ

والنـَبـي ما بـيـَّه اصـْبـرْ

انـْجـومْ السـمـَه هم تـِشـْهـَدْ – مـَگــْدَرْ أبـَدْ أكـْتـبْ حـَرفْ

المـوجْ عـالي ياتــَرفْ

************

هـذا الگــَـلبْ چـاويـنـي – امـْشـي وراه يـِسـْبـيـنـي

مـَغـْرور مايـِسـْمـَعْ حـَچـي – طـول الوَكـِتْ عـامـيـنـي

اگـعـدْ اشـْوَيـَه ياگـَلبْ

مـتـْبـَسـمرْ اولازگْ بالدَربْ

هذا الگــَلبْ يـغـْويـنـي – يـِشـْعـَرْ او شـِعـْرَه بـَسْ بـَـلفْ

شـِدْگـولْ عيني يالگــَلبْ - والمـوجْ عـالي ياتــَرفْ

بـعـْيـونـَـكْ الحـلـوَه ابـحـَرتْ

ياعــيني العِـــــراق

ميسون نعـــيم الرّومي

يا مـحـلـَه الــقـَوافـِـي الـتگـعـِدْ ابـْـسـِــدَكْ

ياشـِعــرْ الـعـَذِبْ ... يـَعراقي يالأسـْـمـَرْ

ياعـَنـبـَـرْعـِطـِـرْ.. وَردْ الـبـَنـَـفـْـسَـجْ غـارْ

گــُمـَرْ لـيـلْ ابـسـَـوادَه يـِضْحـَـكْ اونـوّرْ

يادَمـْعـَـة نـِـده تِـتـْـشـَـلـْبـَه عَ الأغـصانْ

يانـَسْـمَـة صبـِحْ تـِحـضـنْ وَردْ واتـْـمــرْ

ياجَــرّة كـِحـِلْ تــِشـْـبـگْ سـَـوادْ العيـَنْ

ياشـَـهـْگــَة عِــشـِگْ للعاشـِگ ْالـْـيـنـْطـِرْ

ياوَمـْـضَـة أَمـَـلْ بالگــَلبْ هالـْـمحـْـزونْ

يــِِتـْـنـَـهـّـدْ نـهـيــدْ الـرّوحْ .. يـتـْـحـَـسّـــرْ

يـاهــودَج ْضـِـوَه وايـدلـّـي بالمَـلـْهـوفْ

كـِـلْ لــيــلـَه ظـَـلامْ اوللفــَرَحْ يــنـْـشــــِرْ

يـَشـَتــْـلـَة رازقي .. مِـن فِـدوه للسـَـمـّـاكْ

ياعِـطـْــر الــوَردْ .. قــِدّاحْ مِــن يــِنـْـثـِـرْ

يـَحـِلـو الـطـولْ ياصوتْ البـَحـَرْ لوهــاجْ

يـِـزعَـل عَ الجـرفْ صَرْخاتْ من يــِهـْدرْ

ياعـودْ السِـفـَرجـَـلْ يـِخـْجـَـلْ امن ابـْـعـيـدْ

يـِـعـوفْ المـِسـتـَحـَه وايــبـوسْ بالمـَنـْحـَـرْ

مـنْ تـِـمشـي ابـْـغـَـنـِجْ تـِسـْحـَـنْ ابروحي احـّاه

ياعـِـشـــرَة عـمـرْ بـســنـيـنـَه عـَـدّه اومـَـرْ

يابـَـسْـــمـَـة شـَــمـِـسْ فـَـزّ الفـَجـِـرْ مـِنـْهـَه

ياليـلْ اوزعَــلْ عَ الشــَـمـِسْ من تـِـفــْـتــَـرْ

يالعـَطـْـشـان ْمن شــافْ السـَــرابْ اهـنـاكْ

يـِـركـِضْ عَ السَــــرابْ اومالحگْ يـگــْـدَرْ

*******

ياعـَيـني الـعـراق .. اوأشـْـكي منـَــكْ لــيـك

نـَخـلـَـك شــو زعَـل شـو بَــعـد مـايـِتــْمـرْ

أســـألـَـك عَ الفـرات اودجـلــَه ماعـافــوكْ

مَـيـهـُم مانِـشــفْ ... لا والله مـامَـرمـَـــرْ

ياهـور الأنــشـــدك عَ الگـِـصَـبْ .. زَعـــلان ْ؟

ذبـل خـده اعلـه مامش والوَرگ أصـفـَـرْ

على السنبـل أنـشـدك شـو گِـطـَع حـمـلـه

هِـجـَـر فيـّـه الـگـِطـَه اوللغـيـر هـالحـدّر ْ

بـَغـداد الرشــيـد الـْـزهـَت عـِلــْم اونـورْ

هـولاكــو إجـَـه امْن اجـْديــدْ هاليـُگـْـبـرْ

انـِشــدَكْ ع َالجـِره شـنهي الجـِـرَه والصارْ

الافْ اليــِتـامـَه امحـَزّمه بالجـوع تتحسرْ

يانـَــفـْط العِــراق البـَحـَرْ حـَدرْ الگــاعْ

مـِلياراتْ مِــن كـَرش الـكـَرش تـِفـْـتــَـرْ

دســتـورْ انـْـكـِتـَـبْ مايـِـقـْرَه بالمَـكـْـتـوبْ

يـريـد ْايـغـَيـرَه اوعَ الكـِرســي يــِتـْبسمرْ

امْـحـَضّر اجـْـيـوبـَه الجـيــَبْ فـوگْ الجـيـَبْ

مايـشـْبـَعْ أبـَـــدْ ... وايـريـدْ بـي أَكــْـثـَرْ

يـهـَدم بالـبــــنـاءْ..ايـبـيـعْ بالـْـطابـــوگْ

يـِـحـْـفـِـرْ بالشـَـــــــوارعْ أَبـَـدْ ماعـَـمـَرْ

جـيـرانـَه كـِلـَو وابـْگـاعـَه صارْاســنـيـنْ

على شـَعـب العراق ابـجـيـشـَه يـِتـْعـَنـْتـَرْ

نـِســوانْ العـراق امـْحـَزماتْ ابـْـضـيـَـمْ

عـَـلـْموهـِـنْ لــطـمْ .. ماعـِـرفـَنْ المَـعـْبـَرْ

چا يـَمـْـتـَه الفـَرَج وانـشـوفْ يـوم العـيـدْ

نـبـْـنـي بالــوَطـَـنْ وانـجـَددْ الـْـمـَـعـشـَـر ْ

يا مـَحْـلـَه الــقـَوافـِـي التـِگـْعـِـدْ ابـْسـِـدكْ

ياشـِـعـرْ العــْــَـذبْ يـَعـْراقـي يالأسـَمـَرْ

ياعـَيـني العـراق اوأشـْـكي مِـــنـَكْ ليـك

نـَخـلـنـَـه شــو زعـل شـو بَــعـد مـايـِتــْمـرْ

شـَـعـَبـْـنـَـه صامــِتْ مـِنـْسـبـي

ميسون نعيم الرّومي

الله امـْصَـلي عَ النـَبــي – شـَـعـَبـْـنـَه صامـِتْ مـِنـْسـبـي

ياهـو القـِرَه اوبالمكـتـَـب

يـِلـْعـَبْ لـِعـِبْ بالمـَـلعـَبْ

نـَفـْطات گـاعـِدْ يــِنـْهـَبْ

نـُصّـه الـَكْ نـُصّـه الــي – شـَـعـَبـْنـَه صامـِتْ مـِنـْسـبـي 

--------------

اسـنـيـنْ اونـِتـْمـَـنـه التـَغـْيـيـرْ

صارَتْ سـولـَتـْنـَه التـَعـْبـيـرْ

علـمونـَـه انـْـوَزعْ تـَـكـْـفـيـرْ

تـكبيـر ! صـلـّـوا عَ النـَبـي - الله امـْصَـلي عَ النـَبـي

-----------------

اشـوَكـِتْ نـِـبـْـني هالبـَلـَدْ ؟

لوعاتْ طـَرَّتْ بالچـَبــِـدْ

هـذا الوَطـَـنْ كـُلـَّه انـْرُبـَدْ

الـْصـوصْ تـوليـنـَه وَلي– شـَـعـَبـْـنـَه صامـِتْ مـِنـْسـبـي 

--------------

نـِعـْـلـسْ وجـَعْ ناكـُـلْ لـِـگــَمْ

عـِـيـشـَـتـْـنـَه هالصارَتْ سُگمْ

ماكـو نـِعـَمْ .. نـْعـْرُفْ نـَعـَمْ

هالوَطـَنْ بـيـنـَه مـِـبـْـتـِـلي - الله امـْصَـلي عَ النـَبي

---------------

حـَـرْ الواصِـلْ للخـَمـْســـيـنْ

صارلـْنـَه انـهـَفـّي امن اسـْـنيـنْ

وَيـنْ اهـل الغـيـرَه الطـَيـبـيـنْ

مَـلـّيـنـَه مــِنْ كِلمـَـة بـَـلـي – شـَـعـَبـْـنـَه صامـِتْ مـِنـْسـبـي

----------------

طـَبـعْ الرضـَه .. صارْ النـَه

عـِشـْـنـَه الهـَضُمْ من شـِلـْـنـَه

مـِـنـّـه الوَطـَنْ ؟ مـو مـِنـّـه

كـُـلْ يـومْ يـِتـْسـَيـَدْ غـَبـي - الله امـْصَـلي عَ النـَبي

-----------------

لابـو عـَلي .. اوْ لامـِسـْـــحـاه

امـْحـَـزّمْ هالـْـشـَـعـَبْ ابَّــلـْواه

مـِنـْهـو الـلـّي يِـسْــمـَعْ شـَـكـْواه

والوَطـَـنْ كـُلــّه مـِنـْدمي – شـَـعـَبـْـنـَه صامـِتْ مـِنـْسـبـي

---------------

نامـَتْ عـَليـَـنـَـه الطـوفـَـه

بالگــَلبْ صارَتْ خـوفـَه

كـِلـْمـَنْ لِـزگــْـلـَه ابشـوفـَه

سـَـهـْرانْ لـيـَلـَه بالحـَچـي - الله امـْصَـلي عَ النـَبي

---------------

طارْ الخـَـلْ امـْن البـَصْـرَه

تـَمـْراتْ اوصارَن ْحـَسـْـرَه

كل يـــوم ايـتامْ امطـَـشـْرَه

شـَـعـَبـْـنـَه حـُـر..اوهَم أبـي – شـَـعـَبـْـنـَه صامـِتْ مـِنـْسـبـي

-----------------

مـِـيـَة ألـِـف غـيـَرْ السِـلــَـفْ

نايـبـْـنـَه مَـنـْـفـوخْ اوصَـلـِفْ

حـِصْـة شـَعـَبْنه بـَسْ عـَلــَفْ

هالحـَچـي يـِچـْويـنـَه چـَوي - الله امـْصَـلي عَ النـَبي

---------------

عـَـفـْيـَه شـَعـَبْ عـَفـْيـَه شـَعـَبْ

يـمـْـشـي ويـطوف اعـْـلـَه الذَهـَبْ

يــِبـْـلـَعْ قـَهـَرْ ... يـاكـِـلْ حـَطـَبْ

ويـَـنْ الحـَسـَنْ .. ويـنـَك عـَـلـي؟ –  شـَـعـَبـْنـَه صامـِتْ مـِنـْسـبـي

-----------------

آب / 2013

ســــــــــتـوكهـولـم

الحـگـوگْ اتـْريـدْ احـْـلـوگْ

حـَقْ المرأه اوهالمـَبـْـيـوگْ – لحـْـگــْوگْ واتـْريـدْ احـْـلـوگْ

احقـوقْ المرأه اوضاعـَـتْ حـيـَـفْ

قـانـونْ احـْوالْ او عَ الـكــيــَفْ

بـالـقـوّه اتـْـشـَــــرعْ وابـْســـيـَفْ

حـَـقـْهـَه اومن عـِـدْهـَه المـَبـْيـوگْ – لحـْـگــْوگْ واتـْريـدْ احـْـلـوگْ

-----------------

مـَرأه المجـْـتــَمـَعْ نــُصـَّـه

تـاريـخْ اليـأرخْ قــَيـَّـدْ الحـُصـَّه

إبـْدَمْ الشَـهـيـدَه انـْكـِتـْبـَتْ القـُصَّه

دَمّ النازفْ هالمـَسـْروگْ – لحـْـگــْوگْ واتـْريـدْ احـْـلـوگْ

---------------

ياصوتْ المـَرأه المـَسـْمـوعْ

بـيـَـرَغْ بالعـالـَــمْ مـَرفـــوعْ

بـَسْ تـُسـْـكـُتْ واتـْكـُتْ ادموعْ

ياصوتْ المـَرأه المـَخـْـنـوگْ – لحـْـگــْوگْ واتـْريـدْ احـْـلـوگْ

--------------

المـَـرأة تـاريـــخْ اونـــورْ

إيـدْ التـِـبـْني اتـْعـَلــّي السـورْ

نــِتــْحـَزّمْ وانـردْ الجــورْ

حـَقْ المـَرأه ايـضَـلْ مـَسْـحوگْ ؟ – لحـْـگــْوگْ واتـْريـدْ احـْـلـوگْ

----------------

شـَـبـْعادْ العـِزْ والأمـْجـادْ

وَطـَني اليـِشـْهـَدْ والأجـْدادْ

بـَغـْدادْ اوتـِسْـألْ شـَـبـْعـادْ

ليـَشْ الحَـگْ صايــِرْمـَحـْگـوگْ – لحـْـگــْوگْ واتـْريـدْ احـْـلـوگْ

----------------

خـَـلْ تـِنــْهـَضْ المـَرأه نـَهـْضَة الثـوارْ

تـِبـْني بالوَطـَنْ واتـْواصِـلْ المـِشـْــوارْ

نـَهـْضَـه اوهالزهـَتْ واتـْشـَـعـْـشـِع ْالأَنـْوارْ

يامـِشـْعـَلْ الثـَورَه اللي يـِضـَـلْ مـَعـْـلوگْ – لحـْـگــْوگْ واتـْريـدْ احـْـلـوگْ

-----------------

نـَزيـْهـَـتـْـنـَه رَمـِزْ للمرأه والأجـْيـالْ

لـلـفـَـلاّحْ لـلـطـَيـْبـيـنْ لـلـعـُمـــالْ

صوتـِچْ يـانــَزيـهـَه صالْ والله اوجالْ

نـِـضالـِچْ گـاعْ كـُلهـَه اعـْروگْ – لحـْـگــْوگْ واتـْريـدْ احـْـلـوگْ

-------------

الـمـَرأه اجـْنـاحْ اتـْـكـِسرونْ

المـَرأه عـَوْرَه اتـْحـِسـْبـونْ

بـالـديـنْ اوليـَـشْ اتـْكـُفـرونْ

نـُصْ الديـنْ..المـَرأه اتـْـلـوگْ – لحـْـگــْوگْ واتـْريـدْ احـْـلـوگْ

----------------

حِجـابْ الروحْ أَحـْسَـنْ..لو حـِجابْ الراسْ ؟

إبـْحـَثْ بالديانـَه واسـألْ اللي ســـاسْ

هـَديـَـتـوا القـِـيـَمْ من فـوگْ حتى الساسْ

سـاس ابـْهـَلوَكـِتْ مـَطـْروگْ – لحـْـگــْوگْ واتـْريـدْ احـْـلـوگْ

-----------------

حـِجـابْ اللي نـريـدَه احـجـابْ للعـِفـَّه

عـَنْ ســوء النـَظـَرْ للنـاظـِـرْ ايـكـُـفـّه

المرأه مـَجــِـدْ..للشــاربْ اتـْـشـَـرْفـَـه

غـِضـْوه البـَصـَرْ بـالسـوگْ – لحـْـگــْوگْ واتـْريـدْ احـْـلـوگْ

الديـنْ لله والوَطـَـنْ للجـَمـيـعْ

ميسون نعيم الرّومي

لله الديـانـَـــه الواحـِــدْ الأَوحـَـــدْ – والكـُـلْ الشـَـعـَبْ هذا الوَطـَنْ يـِسـْـعـِدْ

كـُـلـْـنـَه شـَراكـَه ابـْهالوَطـَنْ

نـِـفـْـديـــــه أَيـامْ المـِحـَـــنْ

العـيـَنْ مـَتــْعـوفْ الجـِـفـَنْ

مامـِشْ كـُـلْ فـَرِقْ بـيـَنْ ابـْيـَضْ اوأَسـْوَدْ – والكـُـلْ الشـَـعـَبْ هذا الوَطـَنْ يـِسـْـعـِدْ

------------------------

الوَطـَـنْ لـِكـْـرادْ اوعـَــرَبْ

واحـِدْهـُمْ أَغـْـلـَه امنْ الذ َهـَبْ

الجــوزْ يـِـعـشِـگْ بالرطـَــبْ

الكـاكـَـه حـَمـَه أَخْ للشـَهـمْ أحـمـَـدْ- لله الديـانـَـــه الواحـِــدْ الأَوحـَـــدْ

----------------------------

يادجـْـله اوفـُراتْ اوجـبـَــلْ حمريـــنْ

ياماي العـَذبْ واليـِحـْضِـنْ النـَهـْريـَـنْ

يـِتـْلاگــَنْ سِــوَه بالگـرْنـَه هالشـَطـيـَنْ

ياابـنْ العـِراقْ اوللوَطـَنْ يـِسـْجـِـدْ – والكـُـلْ الشـَـعـَبْ هذا الوَطـَنْ يـِسـْـعـِدْ

------------------------

صبـّه والمـَسـيـحْ إيهـودْ وَيـَه اسـلامْ

نـِتـْحـَزّمْ سـوَه واتـْرَفـْـرفْ الأعـْلامْ

فاليـَحـيـه الوَطـَنْ هالتـِكـْـتـِـبْ الأقـْـلامْ

واحـِدْهـُمْ النـارْ الأبـَـدْ ماتـُخـْمـدْ - لله الديـانـَـــه الواحـِــدْ الأَوحـَـــدْ

-----------------------

ياكـَرخْ اورصافـَه اشـْمالْ وَيه اجـْـنـوبْ

إخـْـلاصْ العـِـراقـي للوَطـَنْ مـَطـلوبْ

أبـْـقـَه ابـْهـَيـبــِتـَـكْ يـَعـْراقْ يامـَهـيـوبْ

مـَهـيـوبْ الأبنْ والأبـو اوآخـِرْ جـِـدْ – والكـُـلْ الشـَـعـَبْ هذا الوَطـَنْ يـِسـْـعـِدْ

------------------------

ياهـورْ الگـِـصـَبْ يالحاضِـنْ البـَردي

يارَمـزْ النـِضالْ العـُرْبي والكـُردي

كـُلْ شـَعـبْ العـِراقْ اوللوَطـَن يـفـْدي

واحدهم أَسـَـدْ وَكـتْ المـِحـَنْ يـِرْعـِـدْ - لله الديـانـَـــه الواحـِــدْ الأَوحـَـــدْ

-----------------------

ياشـَعـْبْ العـِراقْ اوهيـبـَة الأوطـانْ

تـِقـْضـي عَ الفـَسـادْ اتـْحـارُبْ الطـُغـْيـانْ

تـُطـْردْ كـُـل دَخـيـلْ اوفـاسـِـدْ اوخـَـوّان

للحـَـقْ والعـَدِلْ كـُـلْ الزلـِـمْ تـِسـْـنـِـدْ – والكـُـلْ الشـَـعـَبْ هذا الوَطـَنْ يـِسـْـعـِدْ

-------------------------

يانـَـسـْـمـَة صـُبــُحْ أُمْـنـَه العـِـراقـيـّه

يالتـِـبـْـني المـَجـِـدْ يالكـُـلهـَه حـِنـيـّه

يالكـُـلـِـچْ وفـَـه يانـَخـْـلـَه بـِـرْحـِـيـَّه

ياحـِلوَة طـَبـُعْ وامروتـِـچْ تـِشـْهـَـدْ - لله الديـانـَـــه الواحـِــدْ الأَوحـَـــدْ

-----------------------

الخـوّه تـَراهـَه ابـْـكـُـلْ وَطـَنْ رايـَه

كـُرْدي بالشـِـمـالْ اوهالعـِـزَفْ نايـَه

ربـابـَه بالجـِـنـوبْ اوتـِـهـتـِفْ اويـايـَه

تـِـهـْـتـِـفْ للوَطـَنْ..بـَعـَدْ الله بـي تـِحـْـمـِـدْ – والكـُـلْ الشـَـعـَبْ هذا الوَطـَنْ يـِسـْـعـِدْ

-----------------------

كـُـلـْمـَنْ يـِعـْـتـِـقـِـدْ بـِحـْجـارْ يـِكـْـفـيـه

گـايــِـلهـَـه عـَـلي والنـاسْ تـِـدْريــه

واللي يـِعـْـتـرفْ وابـديـنـَه يــِحـْمـيـه

لله الديـانـَه كـُلمـَنْ يــِعـْـتـِـقـِـدْ يــِعـْبــِـدْ - لله الديـانـَـــه الواحـِــدْ الأَوحـَـــدْ

-----------------------

تموز / 2013

ســــــــتوكهوكم

ويـلٌ يـا بـَـغـْـــــدادْ

مـَـيسـون نعــــيم الرّومي

وَيـْـلٌ يا وَيـلي .. بـَغـْداد

مَـوتٌ دَومـاً في بـَغـْدادْ

تأريـخٌ يـَكـْتـِبُ تأريـخ

فـَلـتـَقـْرأ كـُل الأجـْيـالْ

شـَعـْبٌ يأكـُلـَهُ الحِـرْمـانْ

عـِلـّـتـَه مَـرَضُ النـِسْـيـانْ

تأكـُلُ أيـديـه الأصْـفـادْ

خـْبـزٌ مـَغـْمـوسٌ

بالــــدّمْ

ماءٌ مـَمـْزوجٌ

 بالسُـــــمْ

حاكـِمَهمْ يـَمشي مُخْـتـال

حالٌ تـورثـَـهُ الأحـْفـادْ

وَيـلٌ يا وَيـْلي ... بَغـْدادْ

ارهابٌ ... يُـرهـِبُ بـَغـْداد

طاغـِيـَةٌ ولـّـى .. سـَـفـّاحْ

جـوعٌ

فـَـزَعٌ

رُعـْبٌ

مـَصائـِبٌ لبغـْدادَ .. تـَجـتاحْ

مـَوتٌ مخـْتـَلف الأشـْـكالْ

قـَـتـلٌ يـَحـْصِـدُ بالأرواحْ

حـَناجـِر تـَهـْتـف للأمجادْ

ياحالٌ يـَبـْكي منْ حال

فـِرَقٌ تـَنـحـَرُك

 بـَغـــــدادْ

تـَنهب تـَسْلبُ

 كالمُعـتادْ

شـَعـْبٌ ... حـَطـَبٌ

للأسْـــيادْ

تـَرْتـَـشِـفُ زَبـَـد الأحقـادْ

ويـْلٌ يا وَيلي بغــــدادْ